Zinema (Hondarribia): 'Josu Zabala oroimenean'
Josu Zabala Erasun hil zuteneko 50. urteurrena dela eta, Udalak oroimen historikoari lotutako hainbat ekimen antolatu ditu, herriko historiaren gertakari ilun hura gogora ekartzeko eta belaunaldi berriei ezagutarazteko asmotan.
Lehen hitzordua ekainaren 12an izango da, 20tan Kultur Etxeko areto nagusian. Egun horretan, 2016an Josu Zabalaren inguruan egindako dokumentala proiektatu eta ondoren, solasaldia izango da. Garaiko Hondarribia eta EHaren kontestu sozio politikoa azaltzeko, Josu Chueca historialaren parte hartzea izango dugu, Pilar Garaialde Egiari zor fundazioko bozeramailea eta Udal ordezkaritza. Jardueraren helburua, gertakari haien inguruko testigantzak, bizipenak eta hausnarketak partekatzeko gune bat eskaintzea da.
Bestalde, Hondarrribiko Udalak irailaren 5erako omenaldi-ekitaldi bat prestatzen ari da San Pedro kalean, Josu Zabalaren oroimenarekin lotura berezia duen lekuan. Omenaldia herritarren, herri-eragileen, senideen eta oroimena bizirik mantendu nahi duten pertsona guztien topagune izatea nahi da.
Ekimen hauen bidez, Udalak Memoria Historikoa jarri nahi du oinarria gisa, Giza Eskubide, demokrazia eta Gure herriaren historiaren zutabe gisa.
