Pelikula (Irun) 'Black is beltza II: Ainhoa'
Fermin Muguruzaren bigarren pelikula proiektatuko dute Amaia KZn eta ondoren solasaldia egingo da zuzendariarekin. Sarreraren prezioa 5,5 eurokoa da eta Irungo Udalaren ohiko bideetan eros daitezke. Sinopsia: Ainhoa mirariz jaio zen La Pazen (Bolivia), bere ama Amanda atentatu parapolizialean hil ondoren. Kuban hazi zen eta 1988an, 21 urterekin, Euskal Herrira joan zen bere aita Manexen lurra ezagutzera. Gatazka errepresibo betean, Josune kazetari konprometitua eta bere lagun koadrila ezagutuko ditu. Horietako bat heroina-gaindosiak jota hiltzen denean, Ainhoa eta Josune Libanora, Afganistanera eta Marseillara eramango dituen bidaia iniziatiko batean abiatzen dira. Gerra Hotzaren azken urteak dira, eta biak narkotrafiko-sareen mundu ilunean murgilduko dira, bai eta sare politikoekin dituzten lotura estuetan ere.
