Guadalupeko gotorlekuan eta Higerreko itsasargian errodatu dituzte beldurrezko telesailaren hainbat eszena.
Hondarribia hainbat filmen kokaleku izan da, Papillon-etik hasi eta iaz estreinatu zuten Hil kanpaiak arte.
Metraje luzeko filmez gain, telesailak ere grabatu dituzte inguruan. El internado Las Cumbres telesaila gaur estreinatuko dute, Amazon Prime Videon, El internado-ren reboota. Higerreko itsasargian eta Guadalupeko gotorlekuan grabatu zituzten hainbat eszena, pasa den abuztuan. Tom Rob Smithek zuzendu du beldurrezko telesaila.
Asia Ortega eta Albert Salazar aktoreak dira protagonista nagusiak. Barnetegi batean dauden diziplinarik gabeko ikasleak dira, eta arautegi gogorra ezarriko diete. Barnetegia inguratzen duen basoak ospe beldurgarria du, eta aritzen da Belearen Habia izena duen logia.
Donostiako Zinemaldiaren laguntza izan du El internado Las Cumbres telesailak, eta Gipuzkoako beste hainbat txokotan errodatu dute. Honakoa da zerrenda: Artikutzako basoan; Miramar jauregia eta Easo Institutu Politeknikoa, Donostian; Oiartzungo Done Eztebe Parrokian eta Arditurriko meategietan; Lazkaoko lazkanotarren jauregian; Usurbilgo Torrea villan; eta Astigarragako Loraldi negutegian.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
