Iberdrolarekin izandako bileraren ondoren, Pasaiako Udalak jakinarazi du 2015eko ekainean bukatuko duela enpresak Donibaneko zentral termikoa desegiteko prozesua. Zentrala itxi eta hurrengo sei hilabeteetan desenergetizazio faseari ekingo diote: hodiak...
Donibanen Iberdrolak duen zentral termikoak azken hatsak botako ditu datozen egunotan. Enpresak Espainiako Industria Ministerioaren baimena lortu du Pasaiako planta behin betiko ixteko. Horrela, azpiegituraren desegitea hasiko da martxan. Gaur bertan, Iberdrolako arduradunek eta Pasaiako Udalak bilera egingo dute, prozesu hori aurrera eramateko behar diren lizentziei eta baimenez hitz egiteko asmoz. Horrela jakinarazi zuen Amaia Agirregabiria Pasaiako alkateak herenegun iluntzean egin zen udalbatzarrean. Epea zehaztuta ez badago ere, bi urte iraun dezakete desegituratze lan horiek. Hori bai, bi urte horietan aire garbiagoa arnastuko da Pasaiako badiaren inguruan. Hala ere, egun hauetan ohi baino askoz ere ke beltzagoa ateratzen ari da. Izan ere, Agirregabiriak azaldu zuenez, biltegiratuta duten ikatza erretzen ari dira. “Bertan erretzea garraiatzea baino askoz merkeagoa dela adierazi digute”, zehaztu du alkateak. Enpresak ziurtatu du baimena dutela stockean duten ikatza erretzeko, eta bukatu arte, horretan jarraituko dutela. Termikan lan egiten duten 67 langileei buruzko kezka azaldu zien alkateak multinazionaleko arduradunei. Gipuzkoako zein Bizkaiko hainbat lantegietara mugiaraziko dituztela erantzun zieten enpresako kideek. Ekainean, baimena Espainiako Industria Ministerioak hilaren 21ean jakinarazi zion Iberdrolari behin betiko itxi dezakeela Donibaneko planta. Horretarako baimena pasa den ekainean eskatu zuen konpainiak. Erabakia hainbat hilabetez luzatuko zela iragarri zuten. Izan ere, ministerioak Red Electrica Españolari [...]
Urtebete darama alkate karguan Ainhoa Zabalok (Lezo, 1974). Epe horretan guztian «guztien gustukoak ez diren erabakiak» hartu dituztela onartu du, baina “arduraz” jokatu dutela esan du. Datozen erronkei ere gogoz helduko die Zabalok zein gobernu taldeak. Zein balantze egiten duzu legealdiaren lehenengo urtebetea pasatu ondoren? Balorazio oso positiboa egiten dugu. Egia da erabaki gogorrak hartu ditugula, baina azkenean arduraz jokatu dugu, egin beharrekoak egin dutugu. Sartu eta berehala lau administrarien lan eskaintza publikoa egin genuen, eta orain probatan ari dira. Udalaren funtzionamenduari dagokionez, hilero sailetako buru diren teknikariekin bilerak egiten ditugu. Oso garrantzitsua da, bestela badirudi sail bakoitzak bere aldetik funtzionatzen duela. Herritarrei zerbitzu ona emateko, eta ez mareatzeko, koordinatuta egoteko egiten dugu. Horrez gain, beste hainbat ordenantza ere aurrera eraman ditugu: terrazak, gazte lokalak, hilerria, merkatu txikia eta ura. Orain arte egin ditugun ordenantzak arau zaharkituak eguneratzeko izan dira. Arautzea izan da, gehienbat. Agintaldi hasieran azaldu zenuten udalaren egoera ekonomikoa txarra zela, eta herritarrei jakinarazi zenieten hori. Neurri batzuk hartu zenituzten horren harira, udaltzainen gaueko zerbitzua kentzearena kasu. Azaroan esan genuen zer zen guk pentsatzen genuena —uztailean jada udaltzainekin bildu ginen, egoera azaltzeko—. Orduan ez zen ezer ere ez entzun, ezta abenduan… Arazoa urtarrilean etorri zen, jendea [...]
Donibaneko zentral termikoa 1968an ireki zuten, eta gaur egun gehien kutsatzen duen Gipuzkoako enpresa da. 2005 eta 2007. urteen artean 1.252.089 tona CO2 isuri zituen atmosferara. Kopuru hori Gipuzkoako autoen parkeak isurtzen duena baino handiagoa da. Irekita egon den bost hamarkadatan zentral termikoaren aurkako hainbat ekintza egin dituzte. Horrela, instalazioak lehergailuekin erasotu zituzten 1980ko hamarkadaren bueltan, eta azken urteetan protestaldiak egin dituzte hainbat eragilek termikaren kontra. Horien artean sonatuenetakoa Greenpeace ekologia taldeko hainbat kide tximiniara igo zirenean, eta Stop CO2 leloa margotu zutenean, 2007ko martxoan. Urte pare bat lehenago, orduan Eusko Jaurlaritzako Lurralde Antolaketa eta Ingurumen sailburua zenak, Sabin Intxaurragak, Pasaiako zentrala ixteko eskatu zuen: “Denok nahi dugu Pasaiako zentral termikoa ixtea, oso kutsakorra delako, zaharkituta dagoelako, eta Kyotoko Ituna betetzeko bidean oztopo handia delako. Euskal Autonomia Erkidegotik, berotegi efektua sortzen duten gas kutsakorrak aireratzen dituen bigarren enpresa da”. Bere ordezko Esther Larrañaga ere antzeko moduan mintzatu zen. Tokian tokiko erakundeak ere kexu izan dira termikarekin. Pasaiako eta Lezoko udalek ere hainbatetan egin dute ixteko aldarrikapena. Pasaiakoak, Greenpeacerekin batera, salaketa jarri zuen termikaren kontra, baina EAEko Auzitegi Gorenak termikaren jarduera onetsi zuen iaz. Termika ixteko taldea sortu zuten ere: Pasaian termikarik ez! taldea. Orain dela bost urte sortu zuten eskualdeko [...]
Iberdrolak Pasaiako zentral termikoa ixteko eskaera egin dio Espainiako Industria Ministerioari. Hala baieztatu du enpresako komunikazio saileko iturri batek. Ondoren, ministerioak hartu beharko du erabakia, eta hilabete batzuk barru —bost edo sei, iturriaren arabera— jakinaraziko dute Donibaneko zentrala itxi ala ez. Horretarako, Red Electrica Españolari —elektrzitate sarearen arduraduna— txosten bat eskatuko dio ministerioak, eta eurek aztertuko dute sarean eraginik duen ala ez. Txosten horren arabera erabakiko dute. Bi arrazoirengatik egin du eskaera Iberdrolak. Alde batetik, “energia eskaeraren jaitsieragatik, inguruko industriaren eskakizunak beherakada baitu”. Bestalde, “ingurumen arazoak” sortzen dituela-eta itxi nahi dute zentrala. 1968an eraiki zuten, eta “zaharkitua2 gelditu dela esan dute. Gaur egun 67 langile ditu zentralak. Enpresak adierazi du horietako batzuk lekualdatuko dituela, eta beste batzuei erretiro aurreratua hartzeko aukera emango dietela, besteak beste. Enpresatik adierazi dute Santurtziko (Bizkaia) plantan antzeko prozedura erabili zutela. Termikak Errusiatik ekarritako harrikatza erretzen du. Ikatzaren trafikoa portuaren joan etorrien %20 inguru da. Iberdrolak zentral termikoa ixten badu, orubearekin zer gertatuko den ikusteke dago. Portuak kontzesioan emana dio Iberdrolari, 2022ra arte. Portu Agintaritzak esan du Iberdrolak “hartu zuen bezala” utzi behar duela eremua, alegia, “kutsadurarik gabe”. Horrez gain, energia enpresak eraikinaren gaineko erabakia hartu beharko duela esan du Lucio Hernando portu agintaritzako buruak. Espazioa [...]