Paisaiak kultura ondarean duen eraginaz jardungo dira EHUko Udako Ikastaroetan
Profesionalen eskutik hausnartuko dute herriaren kultura ondareak zer-nolako garrantzia duen hiriko arkitekturan zein memorian, besteak beste. Irailaren 22an eta 23an izango da ikastaroa, gaztelaniaz eta euskaraz, eta izena eman behar da aldez aurretik.
Hondarribiko Kultura Ondarearen III. Uda Ikastaroa egingo dute datorren irailaren 22an eta 23an, Paradorean, UIK Udako Ikastaroen Fundazioak antolatuta. Begiradaren babesa: Paisaia eta eraikitako kultura ondarearen babesa ikastaroan tokiko ondarea lurraldean, hirian eta memoria kolektiboan nola txertatzen den eta zaintzen den landuko dute. Esan dutenez, paisaia “ez delako soilik funts bisuala”, baizik eta “eraikuntza kulturala, herriaren historia, hirigintza eta identitatea batzen dituena”.
Askotariko gaiak landuko dira, adibidez, paisaiaren babes juridikoa, hirigintza diziplina eta ondareen balioa eta gizarte komunikazioa, horiek guztiak gaian adituak direnen eskutik, besteak beste, Arma Plaza Fundazioaren eta arkitektoen eskutik.
Aurreko urteetan egin izan diren ikastaroen jarraipena izango da honakoa. Hitzaldiak gaztelaniaz zein euskaraz izango dira, doan, baina aldez aurretik izena eman behar da. EHUko Udako Ikastaroen webgunean aurki daiteke informazio guztia.
