Isora musika taldeak kontzertua emango du Oiassoko plazan
Bihar izango da, abuztuaren 31a ostirala, 22:00etan, Oiasso Museoko plazan. Katapulta Tour Gipuzkoa 2026 programaren barruan antolatu dute emanaldia.
Isora musika taldeak bihar, abuztuak 31a ostirala, kontzertua emango du Oiasso Museoko plazan, 22:00etan. Taldeak folk eta elektronika musika estiloak musika tradizionalagoarekin nahasten ditu. Alvaro eta Ainhoak osatzen dute taldea, eta haien hitzetan, soinu “berritzaileagoak” bilatu eta esperimentatzen dituzten, “sustraiak” galdu gabe. Hain justu, Isorak zera esan nahi du: “Sustraiak goitik ikustea”. Lorcaren poesia eta Espainiako musika tradizionala abiapuntua hartuta, kontzertuetan inprobisatu egiten dute.
Katapulta Tour Gipuzkoa 2026 programaren barruan antolatutako emanaldia da. Musika eta arte eszenikoen formatu txikiko programa da, Kutxa fundazioak eta Gipuzkoako Foru Aldundiko Kultura departamenduak sustatutakoa.Aurten 153 izen-emate jaso dituzte; 128 musikarekin lotutako proiektuak eta 25 arte eszenikokoekin.
