Astelehenean irekiko dituzte San Martzial Txingudiko igerilekuak
Irailaren 15era arte egongo dira irekita, eta herritarrek bi txandatan sartu ahal izango dute; 11:00-15:15 artean, edo 16:15etik 20:30era.
Irungo Udalak jakinarazi duenez, astelehenean (hilak 15) irekiko dituzte San Martzial Txingudiko kanpoko igerilekuak irailaren 15era bitartean, eta ohi moduan herritarrek bi txandatan sartzeko aukera izango dute: 11:00etatik 15:15era, edota 16:15etik 20:30era.
Herritarrek bi egun lehenago egin ahal izango dute erreserba udalaren webgunearen bidez, eta sarrerak egunero jarriko dituzte salgai, 20:00etatik aurrera. 18 urtetik gorakoen sarrerak 2,20 euro balio dute, eta 4 eta 17 urte bitartekoen sarrerak 1,80 euro. Hiru urtetik beherakoek ez dute sarrera ordaindu beharko, baina nahitaezkoa izango da NAN-a sarreran aurkeztea.
Erreserba egina duen norbanako batek ezin badu igerilekura joan, bertan behera utzi beharko da erreserba webgunearen bidez edota 943 62 72 66 telefonora deituta. Goizeko txandako sarrera beranduenez 11:00etan ezeztatu beharko da, eta arratsaldekoa, berriz, 16:15ak baino lehen. Bertaratu ez eta erreserba bertan behera uzten ez dutenek ezingo dute beste erreserba bat egin zazpi egun igaro arte.
