Tokiko komertzioak sustatzeko doako prestakuntzak egingo dituzte
'Commerce Lab'-ek apirila eta ekaina bitarte, tokiko komertzioak hainbat arlotan trebatzeko saio teoriko-praktikoak antolatuko ditu.
Tokiko komertzioei bultzada emateko xedez, Commerce Lab-ek doako prestakuntzak egingo ditu, apirila eta ekaina artean. Saioak Commerce Lab gunean izango dira, Serapio Mujika kaleko 8. zenbakian, eguerditan. Prestakuntza saioetan argazkilaritza, edizioa, AA, giza faktoreak, fakturen kudeaketa, belaunaldien arteko erreleboa eta San Martzialetako erakusleiho apainketa landuko dute. Bertan, landutakoa ahalik eta modu azkarrean eta eraginkorrean aplikatzea da saio hauen helburua.
“Tokiko komertzioak balio izugarria du, eta merkatuaren aldaketetara egokitzen laguntzen jarraitu behar dugu. Baina benetan berezia egiten duen elementua indartu behar dugu: gertutasuna, hots, bezeroa ezagutzea eta tratu pertsonala eskaintzea”, adierazi du Nuria Alzaga alkateordeak.
Prestakuntza ziklo honetako edukiak eskarmentu handia duten profesionalen laguntzaz landuko dituzte, hala nola, Fernando Vergara, Pixel Diseinua, Gipuzkoako Ganbera, Ane Sanzberro, Giza Faktorea, Mario Echevarria eta Nia Floral Art izango dira. Aipatutako profesionalek saio teoriko praktikoak prestatuko dituzte, eta bakoitzak bi orduko iraupena izango du, zehazki, 13.30etik 15.30era.
Hemen saio guztien informazio guztia. Ikastaroetan parte hartzeko izen abizenak, ikastaroaren izena, komertzioa eta telefonoa bidali beharko dute promocioneconomica@irun.org helbide elektronikora edo 943 50 53 37 / 943 50 53 35 telefonora deituta.
