Super Amara BAT taldeak dominak eskuratu ditu Europako Pista Estaliko Master Txapelketan
Imanol Gilek bi domin irabazi ditu 60 metroan eta erreleboetan, zilarra eta urrea, hurrenez hurren; Isabel Hernandezek, berriz, laugarrena izan zen 60 metroan.
Super Amara BAT-eko bi kirolarik Torunen (Polonia) izan dira azken egunetan, Europako Pista Estaliko Master Txapelketan lehiatzen. Imanol Gilek eta Isabel Hernandezek sekulako maila eman dute euren diziplinetan, eta guztira bi domin lortu dituzte. Gilek aste santu loriatsua izan du 60 metroko lasterketan zilarrezko domina zein 4×200 erreleboetan urrezko domina irabazi ostean. Bananakoa zein taldeka “maila ikaragarrian” aritu da. Hori gutxi ez, eta 200 metroko lasterketan “meritu handiko” zortzigarren postua eskuratu du, denboraldiko marka gaindituz.
Isabel Hernandez ere lehiakor aritu da, baina nahiz eta maila handian lehiatu ezin izan zuen aurrera egin. 60 metroko lasterketan laugarren izan zen. Hala ere, denboraldiko markarik onena egitea lortu zuen, 8.45 segundo. 200 metroko lasterketan ere parte hartu zuen, eta bosgarren amaitzea lortu zuen.
