Eskualdeko errugbiak harrobia duela erakutsiko dute 300 errugbilarik
Datorren larunbatean, hilak 11, Txingudi Errugbi Taldeak Biok Experiential Shopping Txingudi Badiaren laugarren edizioa egingo dute.
Errugbilari gazteenen eguna izango da datorren larunbata, hilak 11. Txingudi Errugbi taldeak 10, 12 ta 14 urtez azpiko errugbilariek hainbat partida jokatuko dituzte Biok Experiential Shopping Txingudi Badia errugbi eskolen topaketaren baitan. Gipuzkoa, Lapurdi, Bizkaia, Nafarroa eta Errioxako 300 errugbilari gaztek parte hartuko dute. Aurtengoa laugarren edizioa izango da, eta 10:00etatik aurrera partidak jokatuko dituzte Stadium Galeko belar artifizialeko zelaian eta Plaiaundin jokatuko dituzte.
Etxeko taldeaz gain, Orereta, Rioja, Saint-Jean-de-Luz Olympique, Ciboure, Biarritz Olympique, Universitario Bilbao, Baztan Menditarrak, Emak Hor Arrangoitze-Basusarri, Inthalatz Larressore, Sarako Izarra, Saint-Pée Union eta Gipuzkoako selekzioak arituko dira 10, 12 eta 14 urtez azpiko mailetako hainbat partida jokatzen. 14 urtez azpikoek Stadium Galeko belar artifizialeko zelaian jokatuko dituzte euren partidak.
Errugbiaren egun handia izango dela iritzi diote antolatzaileek. 15:00etan, Txingudi/Baztan/Orereta 16 urtez azpiko taldeak Getxoren aurkako partida jokatuko du Plaiaundin. Bi ordu geroago, 17:00etan, nagusienen txanda izango da. Zaisa Txingudik Sortzen C taldearen bisita izango du lagunarteko partidan. Dagoeneko lehiaketa amaitu du, eta denboraldia itxitzat eman arte lagunartekoak jokatuko ditu.
18 urtez azpikoek Logroñon jokatuko dute larunbatean, 12:45etik aurrera. Riojaren aurkako partida denboraldiko azken txanpari hasiera emango dio, eta behin partida hau jokatuta bi partida besterik ez zaizkie faltako denboraldiari agur esateko.
