Mendeluko Lau Haizeta eremua argiztatu du udalak
Bizilagunek sarritan eskatu dute eremu hori argiztatzea, eta orain, udal gobernuak hala egin du. Josu Langile kaletik N-638 kalera doan kalean egin da aldaketa.
Mendeluko bizilagunek aspalditik eskatu izan dute Josu Langile kalea eta N-638 errepidea elkartzen dituen bidean argiteria ezartzeko, Lau Haizeta eremuan. Orain, udal gobernuaren ekimenez, hala izan da. Argi fotovoltaikoak jarri dituzte bide osoan zehar, Abotsaitz herri batzarraren esanetan “ingurumen-eragina murrizten dutenak eta energia-eredu eraginkor baten eredu direnak”.
“Pasabide hau, egunerokotasunean, makina bat pertsonek erabiltzen dute, izan auzotar ala ez, eta orain arte, puntu beltz gisa identifikatuta zegoen, nagusiki gaueko orduetan argiteria faltagatik”, adierazi du Abotsanitzek. Herritarren bizi kalitatea indartzeko konpromisoa dutela adierazi dute udal gobernuko partaideek. “Auzotarren aldarrikapen historikoei erantzuna ematen jarraituko dugu, egunerokotasunean antzematen ditugun beharrak identifikatuaz, espazio publikoak hobetuaz, seguruago eta irisgarriago eginaz”.
