Amaya Zabarteren auzia itxi du epaileak
Erreforma helegitea jarriko du orain akusazio partikularrak, baita apelazio errekurtsoa ere Gipuzkoako Auzitegian.
Amaya Zabarte eta Joseba NovoaXimun Leturia Lete Amaya Zabarte irundarrak jasotako kolpea foam pilota batek eragin zuenik probatzerik ez dagoela esanda auzia artxibatu du Donostiako Instrukzioko 4 Epaitegiko titularrak, Ana Isabel Pérez Asenjok. Ertzaintzaren deklarazioetan oinarritzen da ebazpena.
Hala jakinarazi dio epaitegiak Novoa familiaren ordezkari den akusazio partikularrari. Familiak asteazken honetara arteko epea du errekurtsoa aurkezteko, eta Zabarte auzia artxibatzea erabaki duen epaile berak ebatziko du. Onartuko ez balu, Gipuzkoako Auzitegira jotzeko aukera izango dute apelazio errekurtsoa aurkeztuta. Azken horretarako, bost eguneko beste epe bat irekiko litzateke.
Ertzaintzak foam pilota bat jaurti eta ostikada bat eman zion Zabarteri 2024ko martxoaren 5ean, Realaren eta Paris Saint Germainen arteko partidaren aurretik. Horren ondorioz hamar egun eman zituen ospitalean, Zaintza Intentsiboen Unitatean, burmuineko odoljarioa eta garezurreko hausketa zituelako.
