Asteburu loriatsua Super Amara BAT taldearentzat
Emaitza ezin hobeak lortu dituzte, eta 16 urtez azpiko Espainiako Txapelketan eta Espainiako Master Txapelketan lehiatu dira taldeko hainbat atleta.
Adur Errazquin eta Imad Zuhaitz Urrutia 16 urtez azpiko Espainiako TxapelketanSuper Amara BAT 2026. urtea bikaina izaten ari da Super Amara BAT taldearentzat. Asteburu honetan, beste hainbat domin, marka pertsonal eta Espainiako finaletan parte hartzeko sarbideak lortu dituzte taldeko atleta ugarik. Salamancan, Imad Zuhaitz Urrutia izan da protagonista. Salamancan (Espainia), 16 urtez azpiko Espainiako Txapelketan bi domin eskuratu zituen: jauzi hirukoitzean urrezko domina eta luzera-jauzian brontzezko domina, bai eta marka pertsonala. Adur Errazquin ere finalista izan zen 1000 metrotako lasterketan.
Antequeran (Espainia), berriz, hiru kirolari lehiatu ziren. Susana Ruizek, F50 kategorian, 400 metrotako lasterketan brontzezko domina lortu zuen, eta 800 metrotakoan, berriz, laugarren izan zen. Isabel Hernandezek ere parte hartze bikoitza izan zuen F40n, 60 metrotakoan eta 200 metrotakoan. Lehenengo proban laugarrena izateaz gain, marka pertsonala hobetzea lortu zuen. 800 metrotako lasterketan, Victor Madejon izan zen, baina aurretik zekarren lesioa zela eta, proba hala nola egitea lortu zuen.
Datorren asteburuan, Super Amara BAT taldeko hainbat atleta 18 urtez azpiko Espainiako Txapelketan izango dira. Naia Piquer 1500 metrotan, Hai Duong Alzaga 400 metrotan, Iker Piñeira eta Eñaut Arburua 200 metrotan eta Iker Anaut proba konbinatuan izango dira. Bestalde, Jose Antonio Gomez de Arriba eta Jon Urtizberea Espainiako Maratoi Txapelketan lehiatuko dira.
