2,3 milioi erabiltzaile baino gehiagok erabili dute Irunbus 2025ean
2024 baino 250.000 erabiltzaile baino gehiagok erabili dute Irunbus, eta inoiz lortutako errekorra lortu autobus zerbitzuak; bidaiari gehien izan duen linea Zaisa eta Ospitalea artekoa izan da.
Irunbus zerbitzuak inoiz lortutako erabiltzaile kopurua lortu du 2025ean, guztira 2.310.641 erabiltzailek erabili zuten Irunbus. 2024ko datuak nabarmen hazi dira aurten, eta 250.000 erabiltzaile gehiago izan ditu autobus zerbitzuak. Irunbuseko lau lineek %12ko bataz beste hazkundea izan dute. Zaisa eta Ospitalea lotzen duen 1. Linea izan da erabiliena, eta 1.606.499 erabiltzaile izan ditu urtean zehar. 2024ko datuekin konparatuta, 150.000 erabiltzaile gehiago izan ditu. San Juan eta Katea auzoa lotzen duen lineak 484.146 erabiltzaile izan ditu, eta San Juan eta Artia arteko 3. lineak 128.641 erabiltzaile izan ditu. 4. lineak ere hazkundea izan du iazkoarekin konparatuta, eta San Juan eta Olaberria artekoak 74.893 erabiltzaile izan ditu. Bidaien %87,43 Mugi txartelarekin egin zuten.
2025ean aurrepausoak eman ziren Irunbusen, ibilgailuen %100 elektrikoa da egun. Zerbitzu osoa elektrikoa duen lehen herria da Irun. Hamabost autobusetatik lau hibrido entxufagarriak dira, zortzi erabat elektrikoak dira, eta hiru diesel. 2026rako hainbat helburu ditu autobus zerbitzuak, hala nola, San Juan-Elizatxo-Mendibil-Ficoba lotzen dituen 5. linea sortzea, 1. linea indartzea eta gautxoriaren maiztasuna handitzea.
Bestalde, Irungo Udala izapideak egiten ari da garaje propioak edukitzeko, flota modu efizienteagoan kudeatzeko. Araso industrialdeko bi pabiloi erosteko prozesuan dago, ondoren garaje gisa erabiltzeko. Bi pabiloien erosketa egiteko aurreikusitako aurrekontua 3,8 milioi eurokoa izango da, eta milioi bat euroko hainbat urterako partida bat izango du. Honekin batera, udalak hiriko garraioa hobetzeko ikerketa bat kontratatuko du, landa eremuetako garraioaren eskariaren analisia eta hiriko taxi-bus zerbitzuaren analisia egiteko.
