Solas Jolas programan izena emateko gaitasun ekonomikoaren sistema erabili ahalko dute
Aurten, baldintza berriak izango dituzte: errenta tarte zabalduak izango ditu, tarifak eskuragarriagoak izan daitezen.
Irungo Udalak gogorarazi du zenbait zerbitzutan ahalmen ekonomikoaren araberako ordainketa sistema aplikatuko dela, tartean, Solas Jolas udalekuetan. Aurten, gainera, sistemak baldintza berriak izango ditu, hala nola, errenta tarteak zabalagoak izango dira. Lehenengo tartea 119.417 euro artekoa izango da; bigarrena 19.417 eta 29.911 euro artekoa; hirugarrena 29.911,01 eta 37.136 euro artekoa; eta azkeneko kopuru horretatik aurrera tarterik handiena aplikatzen da.
22 urtetik beherago ondorengoen kopuruaren, desgaitasun-egoeren edo guraso bakarreko familien kasuan kenkariak aurreikusiko dituzte diru-sarrerak kalkulatzeko. Iaz gaitasun ekonomikoaren sistema erabili zutenek aurten ez dituzte izapide hori egin beharko. Honekin guztiarekin, tarifak eskuragarriagoak izatea nahi dute.
Aurretiaz izena emateko epea gaurtik, hilak 2, 13ra bitarte irekiko dute. Zalantzak izanez gero, udalaren webgunean edota udalaren telefonora deituta.
