Martxoaren 7an eta 8an, Andoain eta Irun arteko tren zerbitzurik ez
Astigarraga eta Irun artean hirugarren errei bat jarri behar dutenez, tren zerbitzua etengo dute tarte horretan. Alabaina, autobus zerbitzua bermatuko dute.
Renfek jakinarazi du martxoaren 7an eta 8an Astigarraga eta Irun artean hirugarren errei bat ezarri behar dutenez, behartuta ikusi direla Andoain eta Irun arteko tren bidezko zerbitzua etetera.
Haatik, aurreratu dute bidaiarien mugikortasuna bermatzeko, Renfek errepide bidezko zerbitzua ezarriko duela Aldirietan zein distantzia ertain eta luzeko trenetako bidaiarientzat.
- Aldirietako trena: Martxoaren 7an eta 8an autobusak jarriko dituzte Andoain eta Irun artean. Bi noranzkoetan egingo dute bidea autobusek, eta honako herrietan egingo ditu geldialdiak: Andoain, Urnieta, Hernani, Donostia, Gros, Ategorrieta, Intxaurrondo, Herrera, Pasaia, Lezo-Errenteria, Katea eta Irun.
- Distantzia ertaineko trena: Martxoaren 7an eta 8an autobus bidezko zerbitzua jarriko dute Irun eta Andoain artean, bi noranzkoetan. Irun, Lezo-Errenteria, Pasaia, Donostia eta Andoainen egingo ditu geldialdiak.
- Distantzia luzeko trena: Madril-Irun loturak Tolosan eta Irun artean egingo du ibilgailu aldaketa. Martxoaren 6an Madriletik Donostiara joango den trenak errepidetik egingo du bidea Donostia eta Irun artean. Era berean, martxoaren 9ko lehen trenak errepidetik egingo du bidaia Donostia eta Tolosa artean.
Horretaz gain, Bartzelona – Donostia loturak errepidez egingo du bidea Iruña eta Donostia artean martxoaren 7an eta 8an. Hots, bide bera egingo du martxoaren 6ko azken bidaian zein martxoaren 9ko lehen bidaian.
Esteka honetan argitaratuko dute ordutegien gaineko informazio gehiago.
