Luisa Etxenike idazlearen hitzaldia, Oiasson
Hadriano erromatar enperadorea izango du hizpide idazleak, eta Marguerite Yourcenarren gaiaren gainean egindako sormen-prozesua aztertuko du.
Ostegunetan Oiassora zikloaren baitan, Hadriano erromatar enperadorea protagonista izango da. Luisa Etxenike idazle donostiarrak Hadrianoren bizitza kontatuko du, eta horretarako Marguerite Youcenarren Hadrianori buruz egindako lanketa izango du abiapuntu. Hitzaldia datorren asteazkenean, hilak 25, izango da, Oiasson. Youcenarrek XX. mendeko eleberri historiko handienetako bat idatzi zuen eta horri buruzko lanketa egingo du idazle donostiarrak Marguerite Youcenarren Hadrianoren memoriak: bizitza idazketan; idazketa bizitzan hitzaldian.
Hadriano enperadorearen bizitzak gorabehera ugari izan zituen, bizitza berezia eta konplexua izan zen. Youcenarrek hamarkadak behar izan zituen enperadorearen bizitza aztertzeko, hain zuzen, 1924. urtetik 1951. urtera. Hitzaldian, Etxenikek eleberria egiteko ibilbide historiko eta literarioa aztertuko du, bai eta bizi-esperientzia eta arte-sorkuntzaren arteko harremana ere.
Hitzaldia 19:00etan izango da, eta sarrera doakoa izango da. Idazle donostiarraz gain, Ostegunetan Oiassora zikloan arkeologiako eta historiako zenbait adituk ere izango dira hitzaldiak ematen, hala nola, Iñaki Garcia Camino, Cristina Ubani eta Maria Jose Noain.
