Palestina izango dute hizketagai, Landetxako auzo elkartean
BorBor hausnarketa kolektiborako plazak Palestinari buruzko bigarren solasaldia antolatuko du ostegun honetan, 18:30etatik aurrera.
Israelen sarraskiak ez du etenik izan Palestinan. Lau hilabete baino gehiago pasa dira su-etena sinatu zenetik, baina ordutik Palestinar ugari hil ditu Israelek. Agenda publikoan Palestinak indarra galdu duen arren, BorBor Hausnarketa Kolektiborako Plazak eta Irun Palestinarekin bi hitzaldi antolatu ditu hilabeteotan protesta zikloari jarraipena emateko.
Lehenengo saioa urtarrilean egin zuten, eta bertan, Sumud ontzidia izan zuten mintzagai. Bigarren saioa bihar, hilaren 19an, egingo dute Landetxa Auzo Elkarteko liburutegian. Askapena erakundeko kideek palestinar auziaren marko orokorra azalduko dute, Inperialismo gogorrari internazonalismo zorrotza hitzaldian. 18:30ean hasi, eta euskaraz izango da. Bertan, gatazkak jatorrian duen kolonialismoaz eta inperialismo garaikidearen fase berriaz arituko dira.
