Konpartsen aurkezpena, Amaia KZn
Eguraldia dela eta, ostiral honetan, hilaren 13an, inauterietako konpartsen aurkezpena ez dute San Juan plazan egingo.
Inauterien hasiera bihar bada ere, ostiral honetan Irungo hamalau konpartsek hitzordu berezia dute, eta publikoari azken hilabeteotan prestatutako koreografiak eskainiko dizkiete estreinakoz. Urtero legez, konpartsen aurkezpena San Juan plazan egin dute, baina aurten eguraldia dela eta, ekitaldia Amaia KZra lekualdatzera erabaki dute. Udalak jakinarazi du datozen egunotan eguraldiaren iragarpenagatik aldaketarik egonez gero, 2026ko inauterietako agendan iragarriko dute.
Ekitaldia 20:00tan hasiko da baina itxaronaldia girotzeko 19:30ean pre showa egingo dute. Horregatik, aurkezpenera hurbiltzen direnei dei egin diete ordurako beren eserlekuetan eserita egotea. 20:00ak puntu-puntuan aretoaren atea itxiko dute. Aurkezpen ekitaldira joateko gonbidapenak dagoeneko agortuta daude.
