Aurten ez dute egingo Bidasoa Itzulia
Bideragarritasun ekonomikoa ziurtatuta ez zela ikusita, antolatzaileek erabaki dute 2026an behintzat ez egitea proba.
Iazko itzuliko une bat.Kiroletik Bidasoa Itzulia Kirol Elkarteak jakinarazi du aurten ez dela Bidasoa Itzulia egingo. Txirrindularitzako afizionatu mailako Euskal Herriko proba entzutetsuenetakoa maiatzaren 8tik 10era zen egitekoa, baina bideragarritasun ekonomikoa ziurtatuta ez zela ikusita, antolatzaileek erabaki dute 2026an behintzat ez egitea proba: “Aurreko urtean Gipuzkoako Foru Aldundiaren ez ohiko esfortzu bikainari esker lasterketa aurrera ateratzea lortu genuen. Orain, adabakiekin aurrera jarraitzea etorkizunerako kondena izango dela uste dugu”. 51 ekitaldi ditu eginak txirrindularitzaren panoraman ezinbesteko den probak.
Ez da lasterketarik izango, baina Bidasoa Itzulia Kirol Elkarteak boluntariotzan oinarrituta antolatzen duen karreraren gaineko gogoeta egingo dute, “aurten hartuko dugun denbora etorkizuna lantzeko inbertsiorik onena izan daitekeela uste dugu, datozen urteetan Bidaso Itzulia berriz ere erreferentziazko lasterketa izateko”. Jada ari dira lanean proba behin betiko desager ez dadin, eta adibidez, aldundiarekin nahiz Bidasoa-Txingudi partzuergoarekin hartu-emanean dabiltza. “Gure denbora ez da mugagabea. Boluntarioak gara. Horrek behartzen gaitu esfortzuak lehenestera”, esan dute lasterketaren gidariek.
Sukaldeko lanean, isilpekoan. Lerroburuetatik at. Horrela dabiltza lanean Bidasoa Itzulia Kirol Elkarteko kideak azken hilabeteetan. Ez daude geldirik. Helburua: lasterketa salbatu, eta hura indartzea 2027tik aurrera.
