Sarjia parkeko haurrentzako jolastokia berrituko dute
Zorua berrituko dute eta jolaserako elementuak hobetuko dituzte, eta lanek astebeteko iraupena izango dute.
Obretako, Mantentze Lanetako eta Azpiegituretako Arloak haurrentzako parkeetako segurtasun zoruak hobetze-lanak egingo ditu. Sarjia parkekoa ere berrituko dute, alegia, zorua berrituko dute eta jolaserako elementuak hobetuko dituzte. Lanek astebeteko iraupena izango dute, eta martxan dauden bitartean jolastokia itxita egongo da.
Obra hauen bitartez, goiko plataformako zorua ordezkatuko dute, eta egungo zorua kendu eta kautxu sintetiko birziklatuagatik ordezkatuko dute. Hala ere, koloreak eta zoruko marrazkiak mantenduko dituzte. Bide batez, obrek parkea orokorrean txukuntzeko balioko dute, eta jolaserako elementuak ordezkatzeko edota gehitzeko aprobetxatuko dute. Enpresa esleipeduna Montajes Garra S.M da, eta eguraldi ona dagoenean egingo ditu lanak zorua aldatzeko prozesuan beharrezkoa baita.
