Azoka bideragarria eta jasangarria izateko proiektua aurkeztu dute
Udalak urrats erabakigarria egin du gaur egungo beharretara egokitutako azoka berri eta erakargarria birmoldatzeko prozesuan.
Irungo udalak azoka eradatzeko aurrepausoak egin ditu, eta gaur aurkeztu dute proiektu berri horrek izango duen bideragarritasuna eta jasangarritasuna. Proiektuak azoka berri eta erakargarri bat proposatzen du, egungo beharretara egokitutakoa. Proiektu honek azalera txikiagoko azoka izatea dakar, erabilera berriak eta zerbitzu osagarriak emateko guneak izango dituena. Gaur egun, hamahiru postu bakarrik daude okupatuta, eta bideraezina da autokudeaketa eredu bat ezartzea eraldaketa egiten ez bada.
Proposamenak kontuan hartzen ditu, besteak beste, okindegi, kafetegi eta taberna bat bezeroentzako mahaiak izango dituena, eta bestetik, lorategi bat. Honekin erosteko esperientzia hobetu nahi da. 21 postu huts berreskuratzea lortu zuen udalak, eta martxan zeuden hamahiruek behin behinean martxan jarraitzea ahalbidetu.
Udalak azokaren titulartasunaren %50 baino gehiago berreskuratu zuen, eta proiektua hau aurrera ateratzeko egin beharreko inbertsioa 2,5 milioi eurokoa izango litzateke aurreikuspenen arabera. %60 udalak jarriko du, eta gainontzeko %40a, enpresa esleipedunak.
Nuria Alzaga Bultzada Ekonomikoko ordezkariak azoka berreskuratzearen beharraz hitz egin du. “Garrantzitsuena da azokak martxan jarraitzea bermatuko dugula, eta postu baten esleipendun izaten eta salmentan jarraitu nahi dutenek horretarako aukera izango dutela. Azken batean, argi eta garbi dugu azoka nahi dugula, erosketak egiteko ez ezik baita hirian topagune berri bat izateko ere, soziala eta gastronomikoa, aisialdiko eta kultur arloko jarduerak ere eskaintzen dituena”, nabarmendu du.
