Super Amara BAT taldeak zortzi domin eskuratu ditu Euskadiko Txapelketan
Alaine Aguerralde 400 metroko lasterketan lehenengo postuan izan da, eta Iker Piñeirak Gipuzkoako 18 urtez azpikotan marka berria ezarri du 60 metrotan.
Alaine Aguerralde, 400 metroko lasterketako txapelduna.Super Amara BAT Super Amara BAT taldeak beste asteburu borobila eta parte hartzailea izan du, eta hainbat txapelketatan parte hartu dute taldeko kirolariek. Aipagarriena Euskadiko Txapelketa izan da, taldeko 49 kirolarik parte hartu baitzuten. Donostiako belodromoan antolatu zuten larunbatean, eta bertan Bidasoko taldeak zortzi domin eskuratu zituen. Alaine Aguerralde txapelduna izan da 400 metroko lasterketan, 56 segundo behar izan zituen. Iker Piñeira ere protagonista izan zen, 18 urtez azpikoetan 60 metroko lasterketan Gipuzkoako marka berria lortu baitzuen (6,94 segundo).
Bi kirolari hauez gain, Aritz Zuazok, altuera jauzian; eta Ander Angladak, 800 metrotan; Zuriñe Celisek, luzera-jauzian eta salto hirukoitzan; eta Goizane Garciak, pisu jaurtiketan; zilarrezko domina eskuratu zuten. Naia Llorentek, aldiz, hirugarrena izan zen altuera jauzian.
Bestalde, Kordoban (Espainia) eta Salamancan (Espainia) ere parte hartu dute Super Amara BAT taldeko hainbat kirolarik. Atzo, hilaren 25a, lokatzez beteriko Espainiako Kross Txapelketa antolatu zuten Kordoban (Espainia), eta Ander Aramendi izan zen Bidasoko taldearen emaitza onena lortu zuena. Salamancan (Espainia) Teresa Errandoneak hirugarren postuan bukatu zuen jarduna, bi urteko geldialdiaren osteko errekuperazio betean dabil irundarra.
Aipatzekoa da Ander Oca mailu-jaurtilariak ere asteburu honetan lehiaketa izan du. Bere kabuz aritu da, eta 60 metroko marka lortuta 18 urtez azpikoen Europako sailkapeneko lehenengo postura igo da.
