Hondarribiko emakumeak bigarren, urteko lehen jaitsieran
Denboraldiaurreko lehen jaitsieran bikain aritu dira Ama Guadalupekoa ontziko emakumeak; gizon seniorrak, 20. sailkatu ziren urteko lehen test horretan.
Hondarribiko senior emakumeak atzo Portugaleten.Bermeo Arraun Argazkiak Denboraldiaurreko lehen proba handia izan zuten atzokoan traineruek Portugaleten jokatutako jaitsieran. 62 ontzi aritu ziren guztira: beteranoetan 20, senior emakumeetan 12, gazteetan 2, eta senior gizonetan 28. Urteko lehen hitzordu horretan aritu ziren Hondarribiko Ama Guadalupekoaren bi ontziak. Beteranoek hasi zuten atzoko lehia, eta haien ondotik irten ziren arraun eremura emakume seniorren ontziak.
Astillero izan zen azkarrena (15:53,10) eta haren ondotik Hondarribia sailkatu zen bigarren estropada bikaina eginda (16:07,57). Zarautz, Zumaia eta Orio, Hibaika, azken hiruak Euskotren Ligakoak, irabazi zituen atzo eskifaia berdeak. ETE Ligan ariko da denboraldi honetan, baina atzo indar erakustaldia egin zuen bigarren sailkatuta denboraldiaurreko lehen traineru jaitsieran.
Hondarribiko senior gizon ez zuten emaitza bera lortu. 27 ontziren arteko lehian 20. sailkatu ziren, lehia irabazi zuen Zierbena B-tik (20:31,09) bi minutu eta berrogei segundora. 5.500 metroak osatzeko 22:11, 16 denbora egin zuten hondarribiarrek, zazpi ontzi atzean utzita.
Sailkapen osoa ikusteko egin klik hemen.
Bermeo Arraun Argazkiakek, berriz, atzoko estropadaren argazki bilduma zabaldu du. Argazki horiek ikusteko klikatu hemen.
Hondarribiko senior gizonak atzo Portugaleten.Bermeo arraun Argazkiak
