125 kilometro orduko haize boladek jo dute Hondarribiko kostaldea
Higerreko meteorologia estazioak erregistratutako datuen arabera, atzoko 20:10ean izan dira haize indartsuenak.
Euria eta haizea izan dira asteburuko protagonista handiak. Trumoiak eta tximistak ere bertan izan dira. Haize ufada indartsuak izan dira, eta atzo, 125 kilometro orduko haizeak erregistratu ziren Higerreko meteorologia estazioan.
Atzoko 20:10ean izan zen haize bolada indartsuena, 125,6 kilometro ordukoa zehazki. Gaur, 02:00ean ere ia 105 kilometro ordukoak izan dira. Horren harira, hainbat alerta hori piztu dira asteburuan. Udalak herritarrei adierazi zien ardurarekin ibiltzeko, eta kostaldeko eremuak ekiditeko, baita ere itsasoko egitasmoak. Gaur bertan Hondarribiko Udalak adierazi du alerta horian jarraitzen duela herriak, 21:00etatik 00:00etara izango diren haize ufadengatik.
Itsasoa ere zakar egon da azken egunetan, eta Amuitz aldean, olatu handiak ikusi izan dira.
