Inauteriak hurbiltzen hasi dira
Inauterietako desfilerako eta erakusleihoen txapelketarako izen ematea ireki du udalak.
Otsailaren 14an dira aurten inauteriak, eta herria prestatzen hasiko da pixkanaka pixkanaka. Horregatik, Hondarribiko Udaletik bi iragarki kaleratu dituzte.
Alde batetik, inauterietako desfilean parte hartzeko epea ireki egin dute. Otsailaren 15ean izango da desfilea, eta parte hartu nahi duen elkarte edo norbanako orok udaletxeko orrian eskuragai dauden orriak bete beharko ditu. Maila ezberdinak daude, parte hartuko duten kideen arabera. Maila bakoitzean sariak banatuko dira, epaimahaiak esleituko dituenak.
Bestalde, urtarrilaren 30era arte ere, komertzioek inauterietako erakusleihoen txapelketan parte hartzeko izen ematea irekita izango dute. Gaia librea da, inauteriekin zerikusia duen bitartean, eta erakusleihoak apainduak egon beharko dira otsailaren 12tik 16ra. Hiru sari banatuko dira, 600 eurokoa (lehena), 400 eurokoa (bigarrena) eta 300 eurokoa (hirugarrena).
