3.500 ikaslek parte hartuko dute kontzertu pedagogikoetan
28. edizioan zortzi kontzertu eskainiko dituzte ikasleek. Lehenengo kontzertua 'Musika egingo dugu' izango da hilaren 29an.
Gaur goizean, Kontzertu Pedagogikoen aurkezpena egin dute Amaia KZn.Irungo Udala Irunen hainbat ekitaldik bere lekua dute markatuta egutegian, horietako bat Kontzertu Pedagogikoen jaialdia da. Bertan lehen hezkuntzako 2. mailatik DBHko 3. maila bitarteko 3.500 ikaslek parte hartuko dute, eta 28. edizioan zortzi kontzertu eskainiko dira. Honekin, ikaskuntza aktiboa sustatzea dute helburu, eta gaur egun hezkuntza eta kulturako baliabide berezia da.
Kontzertu pedagogikoek estilo anitz jorratzeko aukera ematen dute: popa, folka, rocka, jazza… Hala ere, edizio bakoitzean formatu eta estilo jakin batera joateko aukera dute ikasleek. Kontzertuez gain, azalpenak, erakustaldiak, antzerkia eta jolasak ere izango dituzte.
Sandra Caballero Hezkuntzako eta Gazteriako ordezkariak jaialdi honen garrantzia nabarmendu nahi izan du. 1998an sortu zen, eta irundar gazte askok gozatu ahal izan dutela azaldu du. “Gure artisten, akademien eta tokiko eragileen eskutik musikarekiko interesa sortzen da”.
Zortzi emanaldi izango dira urtarriletik azarora bitarte. Lehenengo emanaldia hilaren 29an izango da, Musika egingo dugu, Amaia KZn. Jarraian, kontzertu pedagogiko guztien egitaraua:
- Urtarrilak 29 | Musika Egingo Dugu (LHko 2. maila), 9:30etan eta 11:00etan
- Apirilak 15 | Perkusioa (LHko 5. maila), 9:30etan eta 11:00etan
- Apirilak 22 | Ametsa Txiki Abesbatza (LHko 4. maila), 9:30etan eta 11:00etan
- Apirilak 23 | Skola Musik (DBHko 2. maila), 11:00etan
- Maiatzak 7 | Luis Mariano Lirika Elkartea – ‘Sevillako bizargina’ opera (DBHko 1. maila), 10:30etan
- Maiatzak 20 | Udal Kontserbatorioa (DBHko 3. maila), 11:00etan
- Maiatzak 21 | Irungo Txistulari Taldea (LHko 3. maila), 9:30etan eta 11:00etan
- Azaroak 5 | Luis Mariano Lirika Elkartea – ‘Figaroren ezteiak’ opera (LHko 6. maila), 10:30etan
