Alexandriari eta Egipto greko-erromatari buruzko ikastaroa, Oiasson
Otsailaren 16tik maiatzaren 25ra bitarte, 'Bestelako Egipto: Alexandria eta mundu greko-erromatarra' ikastaroak izango dira.
Oiasso MuseoaIrungo Udala Oiasso Museoak urteko lehen ikastaroa iragarri du: Bestelako Egipto: Alexandria eta mundu greko-erromatarra. Ikastaroak hamar saio izango ditu, eta EHUko Antzin Aroko Historiako irakasle Elena Torregaray Pagola irakasleak eskainiko ditu. Alexandro Handiaren garaian interesa duenak hitzordua izango du otsailaren 16tik maiatzaren 25ra bitarte egingo diren saioetan.
Ikastaroak otsailaren 16 eta 23an; martxoaren 2, 9 eta 16an; apirilaren 27an eta maiatzaren 4, 11, 18 eta 25an izango dira. Astelehen goizez zein arratsaldez izango dira, 11:00etan eta 18:00etan. Ikastaro honek 75 euroko prezioa du, eta izen-emateak museoko harreran edo 943 63 93 53 telefono zenbakian egin daitezke.
Bestalde, datorren asteartetik aurrera, hilaren 2otik aurrera, Gordailua Oiasson pieza etnografikoen bilduma berritua izango da. Museoaren bilduma arkeologikoaren erromatar garaiko koloretako fitxekin, tortolosekin eta dadoekin lotuta dago erakusketa.
Urtarrilaren 29an, Ostegunean Oiasson hitzaldi zikloari hasiera emango diote. Eva Tobalina Oraá histolaria lehenengo saioko protagonista izango da. 19:00etan hasi, eta Erromatar Inperioa eta Zetaren Bidea hitzaldia eskainiko du. Sarrera librea izango da, tokiak bete arte.
