Estazio berriak lotura estrategikoa izan dezan eskatu du EAJk
Asteartean geltoki berria estreinatu zuten, baina oraindik erabileraren gaineko erantzunik ez duten galdera asko ditu alderdi jeltzaleak.
Irungo estazio berriaren aurrealdea. Imanol Saiz Gomez de Segura Irungo EAJk hiria estrategikoki eraikitzen jarraitzearen alde egiten du, eta horren eredu da asteartean estreinatu zuten estazio berria. Espainiako Garraio Ministerioari eskatzen dio Irunen alde egin dezala, eta estazioaren lotura estrategikoa garatu dezala. Espainiako eta Frantziako estatuek Euskal Yaren abiadura handiko trenaren konexioa bultzatu behar dute, Europako gainerako lurradeekin konekta dadin, Ardatz Atlantikoa deiturikoa indartuz.
Herritarrei zuzenean eragiten dien gai nagusia estazioaren erabilera da. Aldiriko trenen maiztasuna, distantzia ertaineko trenak bakarrik izango duen ala ez eta AHT bertatik pasako den galdetzen dute askok. “Hiriak ez du atzean geratu nahi, tren-mugikortasunaren funtsezko puntua izaten jarraitu nahi du”, adierazi du Gorka Alvarez Irungo EAJko bozeramaileak. “Hiritarrek ez dute uharte batean bizi nahi, eta AHTren ibilbidea donostian bukatzea”. EAJk argi du Irungo estazioa prest dagoela.
