2026 urte berriko squash txapelketa egin dute Artalekun
Larunbatean eta igandean squash txapelketa egin zuten, eta emakumeak nagusi izan dira aurtengo edizioan hamabi parte hartzailerekin.
Squashak urtero zita garrantzitsua du Artalekun, eta larunbatean eta igandean emozio handiko jardunaldiak bizi ziren. Aurtengoan, emakumeak nagusi izan dira. Hamabi emakumezkok parte hartu zuten, eta gizonezkoen kategorian, berriz, zazpi jokalarik parte hartu zuten. Emakumezkoetan Leticia Estournes izan da txapelduna, maila handiko jokalaria da, eta gizonezkoen taula orekatzeko bertan ere parte hartu zuen. Gizonezkoetan, berriz, lehenengo saria Xabi Azaldegirentzat izan zen. Juniorrek ere beren txapelketa izan zuten igandean, eta zortzi jokalarien artean Iker Fernandez irundarra izan zen onena.
Antolatzaileek balorazio positiboa egin dute, aurtengo edizioan inoiz izan duten esperientzia bizi dute. “Txapelketa ireki honetan gizonezko baino emakume gehiagok izena eman dute, izugarria izan da”. Junior txapelketako parte hartzaile guztiek esperientzia ona izan zuten, eta askorentzat squashean izandako lehenengo esperientzia izan zen. Bi txapelketen amaieran, Ola sagardotegiak eta El Curro Verdek eskainitako sariak banatu zituzten jokalari guztien artean.
