Iñude eta artzainen desfilea prestatzen hasiko dira
Desfilerako hilabete bat falta den arren, Eraiki Dantza Taldeak ibilbidearen nondik norakoak azalduko eta izen ematearen epea irekiko ditu bileran.
Iñude eta artzainen iazko desfilea.Eraiki Dantza Taldea Hilabete bat falta den arren, Eraiki Dantza Taldea Iñudeen eta Artzainen aurtengo desfilea prestatzen hasi da dagoeneko. Desfilea otsailaren 8an izango da, eta desfilearen nondik norakoak zehazteko eta izena emateko epea zehazteko bilera bat egingo dute igande honetan. Bilera 12.00etan izango da, Behobiako auzo elkartean.
Bertan, Eraiki Dantza Taldeko kideek desfilean parte hartzeko aukera izango dute, eta pertsona ororentzat zabalik egongo da. Dantzariez gain, desfilea osatuko duten bestelako pertsonaiak izango dira. Hala nola, medikuak, erizainak, apaizak, alkateak eta baserritarrak izango dira herriko kale nagusiak zeharkatuko dituen desfilean.
Izena emateko epea dantzari zein pertsonaien kopurua bete arte zabalik egongo da, eta desfilea handitzeko asmoz, herritar oro animatzeko dei egin nahi izan dute. Inauteriak baino astebete lehenago izango da desfilea, aurreko igandean. Kolore biziek eta euskal dantzek herriko kaleak apainduko dituzte.
