Ezin hobe bukatu du urtea June Olazabalek, urrearekin
Andaluzian izan da Hondarribia Klub Nautikoko kirolaria, Memorial Kim Lythgoe txapelketan. Bere kategoriako lehen postua lortu du, eta 2026ari begira jarri da.
June Olazabal, erdialdean. Maila ikaragarrian amaitu du urtea June Olazabalek, garaipen berri bat lortuz. Oraingoan, Andaluzian izan da, Memorial Kim Lythgoe txapelketan. Abenduaren 28, 29 eta 30ean jokatu zen, Cadizen. Urteko azken nazioarteko estropada izan da, eta Olazabalek ILCA 4 mailako 18 urtetik beherakoetan lortu du garaipena.
Urte handia izan du Olazabalek. Munduko eta Espainiako txapelketan aritu da, eta sentsazio onak izan ditu. Gainera, Gipuzkoako txapeldun izan zen, eta bere emaitzak hobetzen aritu da. Aurrera begira dago 16 urteko hondarribiarra, eta garaipen gosea du. Urte handia izan dezake aurrean kirolariak.
