Etxebizitza, segurtasuna eta mugikortasuna izango dira 2026ko lehentasunak
Cristina Labordak 2026rako aurreikusitako erronka eta proiektu nagusiak aztertu ditu, aurten Irunek inflexio puntu bat izango du.
2026. urtea erabakigarria izango da, eta erronka nagusiei erantzuteko proiektu estrategikoak eta funtsezko erabakiak aktibatuko dira. Etxebizitza, segurtasuna eta mugikortasuna izango dira aurtengo lehentasunak, baita eguneroko beharrak. Erronka hauei ikuspegi orokor batetik helduko zaie, Irun 2040 Plan Estrategikoan oinarrituta. Hazkundea eta erabakiak hartzea bideratzeko ibilbidea markatuko du plan honek.
Biztanleria gora egiten duen heinean, eskaera geroz eta handiagoa da. Hori dela eta, etxebizitzaren arloan aurrekaririk gabeko bultzada emago dio udalak. San Miguel-Anakako obren hasiera mugarria izango da. Bertan, 887 etxebizitza publiko eraikiko dira, eta datozen urteetan bizitegi-eskaintza publikoa bikoiztuko du. Hori gutxi ez, udalak ere gazteentzako zuzkidura-bizitokien aldeko apustua egingo du. Alberto Larzabalen gazteentzako 43 zuzkidra-bizitoki emango dira. “Irunen bizi proiektua garatzen jarraitu nahi duenak hirian eraikitzen ari diren ekimen pribatuko sustapen berrien eskaintza osatzen duen etxebizitza publikoaren aldeko apustu handiagoa egin dezan nahi dugu”, azpimarratu du Labordak.
Via Irunek ere urratsak emango ditu HAPOren aldaketaren hasierako onespenarekin. Aldaketa horrek eraginak izango ditu, erakusketa publiko parte hartzailea ekarriko duena. Nazioarteko geltoki intermodala mugarri nagusia eta administrazio batek hirian egiten duen inbertsio publiko handiena. Mugikortasun arloan ere berritasunak izango dira. Hala nola, Hegoaldeko Saihesbidea, Azken Portuko biribilgunea, Irunbusen L5 linea berria eta Belartzako lurpeko aparkalekuko lanak.
Erabilera anitzeko pabiloia izango duen IAM eta Plaiaundiko instalazioak Txenpereneara lekualdatzeko proiekturako urte erabakigarria izango da. Horrez gain, enplegua sustatzeko planak bultzatzen, garatzen eta gauzatzen jarraituko dute. Gizarte-kohesioak zeharkako ardatz izaten jarraituko du, eta arreta berezia eskainiko die berdintasunari, aniztasunari, euskarari, kirolari eta kulturari.
Osasun Sailak osasun-zerbitzuen arloan Irunekin duen zorra konpontzeke dagoela gogoratu du pediatriako larrialdiak itxi ondoren. Horregatik, herrian garatzen diren proiektuekiko erantzukizun eta konpromiso handiago eskatu die gainerako erakundeei.
Hiria zaintzen jarraituko dute auzotarren hitzak kontuan hartuz, horretarako auzotara hurbilduko dira. Alkateak azpimarratu du hurbiltasunetik eta zuzeneko harremanetik lan egiten jarraituko dutela. “Gure berezitasunak, mugan kokatzeagatik, ikusten ari garen biztanleria-hazkundeagatik eta erakunde-egituran duen funtsezko eginkizunagatik, arreta handiagoa merezi du beste administrazio batzuen aldetik”, bukatu du alkateak.
