Haurren eskubideak aldarrikatzeko zenbait jarduera egingo dituzte
Haur eta Nerabeen Eskubideen Eguna izan zen atzo, eta horiek aldarrikatzeko egitaraua ondu dute udalak eta UNICEFek.
Haur eta Nerabeen Eskubideen Eguna izan zen atzo, eta ildo horretatik Irungo Udaleko Gazteria Arloak UNICEFekin elkarlanean haur eta nerabeentzako zein euren senideentzako egitaraua ondu dute zenbait ekintzekin.
Piztu haurren eskubideen alde lelopean osatu dute jarduera sorta, eta egitasmoak haur eta nerabeentzat “ingurune digital segurua” eraikitzea aldarrikatu du. Horren xehetasunak eman dituzte Sandra Caballero udaleko Hezkuntza eta Gazteriako ordezkariak Aitor Espie, Emhan espazioko, Txingudiko Ekoetxeko, Santiagoko Deabruak kultur elkarteko eta Txikis del Bidasoa elkarteko ordezkariekin batera.
Caballero: “Egun hori oso garrantzitsua da, eta funtsezkoa da udala ospakizunetara batzea haur guztien eskubideak ezagutarazteko eta zer garrantzizkoak diren azpimarratzeko; bereziki, babesgabeenak. Egun hauetarako prestatu dugun egitarauaren bidez, haur eta nerabeek gaur egun dituzten arazoei helduko diegu; batez ere, herritarrak kontzientziako eta hiriko gazte guztien ongizate, garapen eta heziketaren alde lan egiteko”.
Bide horretan, Irungo Udak igandera bitartean egiteko zenbait jarduera antolatu ditu, eta gaur hasiko dira horiekin. Zerrendako lehen jarduera Jon Benet Jonbismo artista irundarrak zuzenduko du, familientzat eskultura tailer bat emango baitu CBAko Kultura eta Sorkuntza zentroan.
Bihar, berriz, CBAko IrekiART gunean, 17:00etan, LaEnanaNaranja konpainiak euskarazko hamar abesti euskaldun moldatu ditu, eta Txiki txikia eta Txan txibiri bezalako abestiak reggae, rap eta blues bezalako doinuekin moldatu dituzte.
Betalde, hilaren 23an, 11:00etatik 13:00etara zenbait jolas egingo dituzte haurrek Irun eta Hondarribiko zenbait talderekin batera. Zabaltza plazan egin behar zituzten hasiera batean, baina eguraldia dela eta Martindozenea gaztelekuan egingo dituzte. Alabaina, jakinarazi dute igandean egitekoa ziren Plaza. Sentimendu baten istorioa antzezlana beste egun batean egingo dutela.
