Ez dute eten Irungo laurogei urteko bikote baten etxegabetzea
Biharko dago aurreikusita etxegabetzea. Laurogei urtetik gorako bikoteak Maiatzaren 14ko 1/2013 legeari hel zedin eskatu zuen, eta horretarako gizarte zerbitzuek emandako kalteberatasun txostena aurkeztu zuten.
Maite Ortiz abokatuak joan de ostegunean eskatu zuen Irungo laurogei urteko bikote baten etxegabetzea gelditzeko; biharko dago aurreikusita hori, eta Donostialdeko Etxegabetzeak STOP plataformak jakinarazi du ez dutela bi hilabeteko epean eten.
Plataformatik adierazi dutenez, denbora tarte hori “ezinbestekoa” zen eskumena duten administrazioek bizileku aukera bat esleitzeko bikoteari kontuan izanik euren adina eta osasun egoera zein diren.
Etxegabetzea eteteko eskaeran gizarte zerbitzuek bikotearen kalteberatasuna egiaztatzen duten txostenean jarri dute arreta berezia. Kutxabank- Zima Finances banketxeak etxebizitza enkantean jarri du.
Laurogei urtetik gorako bikoteak Maiatzaren 14ko 1/2013 legeari hel zedin eskatu zuen, eta horretarako gizarte zerbitzuek emandako kalteberatasun txostena aurkeztu zuten. Alabaina, epaitegiak, biharko kaleratze agindua berretsi du.
Bi hilabeteko epe horri ere entzungor egin ondotik, Etxegabetzeak STOP plataformak jakinarazi du oraindik denbora epearen barruan daudela epaitegiak zein etxebizitza esleitu zaion bikoteak epe hori eman dezaten.
