Europako migrazio ibilbidea ardatz duen mahai ingurua, ostiralean
Irungo Harrera Sareak antolatu du hitzordua, eta 18:00etan izango da, Palmera Montero Guneko 5. aretoan. Zoom bidez ere jarraitu ahal izango da.
Irungo Harrera Sareak Osasuna ibilbidea: esperientziak mugetatik mahai ingurua egingo du ostiralean (hilak 24), Palmera Montero Guneko 5. aretoan. Hitzorduak Europako migrazio ibilbideko zenbait puntutan “esperientzia zuzena” duten pertsonak bilduko ditu migratzaileek aurre egin beharreko osasun fisiko, mental eta sozialaren erronkak ikusarazteko eta zenbait mugatan aplikatutako zaintza eta laguntza estrategiak partekatzeko.
Oraingoz, bost hizlari baieztatu dituzte:
- Ceuta: Audrey Benson (No Name Kitchen).
- Mediterraneoko itsasoa: Izaro Tranche (SOS Humanity).
- Irun: Karmele Etxeberria (Irungo Harrera Sarea).
- Calais: Kay, Marie Daries (Refugee Women’s Centre).
- Senegal: Mbaye Gil (Sunu Gaal GKE).
Saioa Enara Diez Zabalak gidatuko du, eta sarrera doakoa izango da lekua bete arte. Alabaina, inork saioa jarraitu nahi badu baina ezin bada bertaratu, zoom bidez izango da berau jarraitzeko aukera. Horretarako, erregistratu egin behar da, hemen.
