Gernikako Arbola parkearen inguruan zirkulazioa moztuko dute
Hilaren 15 eta 16an parke horretako bi zuhaitz moztuko dituzte, eta lan horiek zirkulazioan izango dute eragina, 09:00 eta 16:00 artean.
Irungo Obra, Mantentze lan eta Azpiegitura arloak jakinarazi du hilaren 15 eta 16an, 09:00etatik 16:000etara, Gernikako Arbola parkeko bi zuhaitz moztuko dituztela, eta lan horiek ibilgailu zein oinezkoen zirkulazioari eragingo dietela.
Aipatu dutenez, lanek Iparralde hiribideko trafikoari eragingo diete, moztuta egongo baita Hendaiara doan erreia parkearen parean. Gainera, tarte horretan oinezkoen espaloia moztuta egongo dela jakinarazi dute. Era berean, tarte jakin batzuetan Colon ibilbidera doan erreia ere moztu egingo dute.
Udaleko arlo horrek herritarrei “kontuz” ibiltzeko eskatu diete.
