Aste kulturala egingo du Erdialdeko auzo elkarteak
Gaurtik hilaren 19ra egingo dituzte jarduerak. Bigarrenez egingo dute argazki rallya, eta gaurtik hilaren 17ra bidali daitezke irudiak.
Irungo UdaletxeaIzaro Perez Loperena Erdialdeko auzo elkarteak kulturaren astea egingo du datozen egunetan, eta egitarauari gaur arratsaldean emango diote hasiera. Gauzak horrela, gaurtik hilaren 19ra zenbait ekintza egingo dituzte, eta azpimarratu dute programazioko jarduera guztiak doakoak eta auzo elkartearen lokalean (Aldapeta kalea, 7) egingo dituztela.
Hona hemen programazioa:
- Gaur hilak 13, astelehena.
- 18:00. Argazki rallyaren aurkezpena.
- Bihar, hilak 14, asteartea.
- 18:30. Eguberrietan oparitzeko txokolatea prestatzen. Hizlaria: Shole Agirre.
- Etzi, hilak 15, asteazkena.
- 19:00. Pintxo hotzen hitzaldia, prestaketa eta dastaketa. Hizlaria: David Rodriguez.
- Hilak 16, osteguna.
- 19:00. Mentxu Gal. Pintura sari nazionala jaso duen lehen emakumea. Hizlaria: Patxi Lozano.
- Hilak 17, ostirala.
- 19:00. Bolero kontatuak eta kantatuak. Hizlari eta abeslaria: Juan Carlos de Benito “Lalo”.
- Hilak 18, larunbata.
- 12:30. Argazki rallyko irudi irabazleen erakusketa eta sari banaketa.
- 18:30. Erdialdeko kaleetan ibilbidea Ondare kultur elkarteko erraldoiekin eta Oiasso txarangarekin.
- Hiak 19, igandea.
- 09.00. Txistularien diana.
- 12:00. Magia ikuskizuna Berto magoarekin.
- 17:00. Mahai joko arratsaldea adin guztietako pertsonentzat.
II. Argazki rallyaren nondik norakoak
Erdialdeko auzo elkarteak antolatzen duen bigarren argazki rallya da aurtengoa, eta gaurtik (hilak 13) hilaren 17ko 10:00ak bitartean izango dute aukera hala nahi dutenek parte hartzeko. Gaia irekia da, baina Irungo erdialdean atera behar dira argazkiak; gaiak, besteak beste, babestu beharreko zerbaiten irudiak, salatu nahi den zerbaiten irudiak, merkataritzaren irudiak edota Irungo erdialdeko eguneroko bizitzaren irudiak izan daitezke. Finean, irudiekin Irungo erdialdeko zenbait espaziori eman behar zaie ikusgarritasuna.
Argazkien formatua digitala izango da, eta argazki kamerarekin edo mugikorrarekin atera daitezke. Hots, irudien tamaina 2.000 pixelekoa izango da, eta gehienez 2Mb izango ditu. Parte hartzaile bakoitzak gehienez lau irudi aurkeztuko ditu, eta honela izendatu behar dira lanak: Izena_Abizena_ argazkiaren zenbakia. Mezu elektronikoan parte hartzailearen izen abizenak, helbidea eta argazkilariaren telefono zenbakia agertu behar dira.
Epaimahaia Irungo argazkilarien elkarteko kide batek eta Erdialdeko auzo elkarteko bi kidek osatuko dute. Irabazleak garaikurra eta Iparralde hiribideko Vinoteca jatetxean bi pertsonentzako otordu bat irabaziko ditu, eta bigarren eta hirugarren postuan geratzen direnek, berriz, garaikurra lortuko dute.
Argazkiak korreo elektroniko bidez bidali behar dira helbide honetara, eta edonork har dezake parte. Sari banaketa hilaren 18an egingo dute, 12:00etan, Erdialdeko auzo elkartean.
Zalantzak argitzeko 655 40 94 98 zenbakia luzatu dute.
