Kontsumoari buruzko bi hitzaldi emango dituzte Palmera Monteron
Lehen hitzaldia ordaintzeko modu berrien ingurukoa izango da; bigarrenean, aldiz, aseguru etxeei nola erreklamatu landuko dute.
Kontsumitzaileak Informatzeko Irungo Udal Bulegoak eta Kontsumobidek gogorarazi dute kontsumo gaiekin lotura duten bi hitzaldi emango dituztela datozen egunetan Palmera Montero gunean.
Lehen hitzaldia hilaren 13an, astelehenean, izango da, eta Ordaintzeko modu berriak izenpean emango dute. Saio horretan ordainketa sistemak azalduko dituzte, bai berriak eta baita modernoak ere, eta oinarrizko ezaugarriak eta erabiltzeko segurtasun neurrien berri emango dute.
Bigarren hitzaldia, haatik, azaroaren 10ean izango da, eta Aseguru etxeei erreklamatzea da haren izena. Batez ere adinekoei begira antolatu dute saioa, eta bertan aseguru mota guztiak kontratatzeari buruzko aholkuak emateaz gain, ezbeharren bat gertatzen denean zer pauso eman eta nola erreklamatu behar den azalduko dute.
Bi hitzaldiak 17:30ean izango dira, eta ez da izenik eman behar.
