'Señoras y señoras' antzerki ikuskizuna egingo dute hilaren 16an
Maria Guerra eta Mariola Cubells dira pop show feministaren protagonista. Ez da sarrerarik behar, baina gonbidapena eskuratu behar da.
Irungo Udaleko Kultura Zerbitzuak jakinarazi du datorren ostegunean (hilak 16) Señoras y señoras ikuskizuna egingo dutela Maria Guerra eta Mariola Cubellsek. Saioa 20:00etan hasiko da, eta sarrera doakoa bada ere gonbidapena eskuratu behar da aurrez udalaren webgunearen bidez.
Guerra eta Cubellsek ikuskizun “pop show feminista” bezala definitzen dute, eta azaldu dute arreta, batez ere, hirurogeiko hamarkadan jaiotako emakumeengan jartzen dutela, “belaunaldi paregabea, gizarteak haientzat diseinatu zituen eskemak neurri handi batean eraitsi dituena”, diote.
Kazetariak dira protagonistak, eta eurak asmatu, gidatu eta interpretatzen dute saioa. Gainera, antzezlanaren abiapuntua esperientzia pertsonalak, gogoetak eta pasadizoak dira. Horiek osatzeko, ikus entzunezkoak erabiltzeaz gain, umorea erabiltzen dutela gaineratu dute.
Saioan lantzen dituzten gaien artean daude ikus entzunezko iruzurra, amatasun eredu ezberdinak, ez amatasuna, bakardade desiratua bai eta mundua modelatu duten begirada maskulinoak eta nola emakume horiek adinaren eta bizitzaren kontzeptuak birdefinitu dituzten ere.
