Idoia Rubial eta 'Shukran, bizitzari mila esker', ostegunean
'Zure abenturaren bila' programaren denboraldi berri bati ekingo diote ostegunean Amaia KZn. 19:30ean izango da, eta ez da sarrerarik behar.
Ostegunean emango diote hasiera Zure abenturaren bila programaren edizio berri bati, eta Idoia Rubial izango da protagonista Shukran, bizitzari mila esker saioarekin. 19:30ean izango da saioa Amaia KZko hitzaldi aretoan, eta sarrera doakoa izango da.
Era berean, antolatzaileek jakinarazi dute saioa euskaraz izango dela, eta ikus entzunezkoa ikusi ondotik protagonistarekin solasaldia egingo dutela.
Honela laburbiltzen dute Shukran, bizitzari mila esker: “Abentura zaleak gara, paretatik paretara eskaladak eskaintzen digun zirrarekin eraiki eraiki dugu gure bizitzeko era. Harrietan zenbat gozatzen dugun eta gure bizitzetako era zenbat maite dugun konturatu gara. ‘Shukran, bizitzari mila esker’ bizipen ezberdinak eskaini dizkigun bidai bat da”.
