X. Beñat Elzo Mendi lasterketak ATR-X elkartea lagunduko du
Sport Mundi elkarteak zabaldu ditu izan emateak. Elkarteari laguntza estra bat emateko bizuma egiteko aukera eskaini dute ere.
Sport Mundi elkarteak antolatzen duen Beñat Elzo Mendi lasterketak X. edizio beteko ditu aurten. Hitzordu berezirako hilabete eskas geratzen den honetan, izen emateak zabaldu dituzte jada.
ATR-X elkartea diruz laguntzeko helburua izango du aurten lasterketak. ATR-X Sindromea batez ere, mutilei eragiten dien gaixotasun genetikoa da, eta desgaitasun intelektuala eta mugitzeko eta hitz egiteko zailtasunak eragiten ditu, besteak beste.
Elkarteak esker oneko hitzak besterik ez ditu izan Sport Mundi elkartearentzat: “Bihotzez eskertu nahi diegu antolatzaileei eta parte hartzaileei; ekimen honi esker ATR-X Sindromeari ikusgarritasuna eman eta ikerketarekin eta familiei laguntzen jarraitu dezakegulako”.
Azaroaren 1ean goizeko 09:00etan irtengo dira 10 kilometroko ibilbidea oinez egingo duten pertsonak. Ondoren, 11:00etan, helduen lasterketaren txanda izango da, eta haurrena 12:30ean hasiko da.
Gainera, ATR-X elkarteari laguntza estra bat eman nahi duenak ere bizum bat egiteko aukera izango du. Mugikorreko app-ean bertan Eman atalera joan beharko da, eta bilatzailean GKEaren izena (Sport Mundi) edota kanpainaren zenbaki identifikatzailea (10122) idatzi beharko da. Segidan, nahi den kantitatea idatzi eta eragiketa ohi bezala burutu beharko da.
