Irakurketa Erraza egitasmoko lehen saioak, martxan
Euskaraz irakurtzeko ohiturarik ez dutenentzat edo euskaraz irakurri nahi, baina erraztasunik ez dutenentzat pentsaturiko saioak dira.
Hondarribiko Udaleko Euskara Sailak eta Udal Liburutegiak Irakurketa Erraza egitasmoko lehen saioak antolatu dituzte. Euskaraz irakurtzeko ohiturarik ez dutenentzat edo euskaraz irakurri nahi, baina erraztasunik ez dutenentzat pentsaturiko saioak izango dira.
Hilaren 7an izango da lehen saioa, Hondarribiko Udal Liburutegian, arratsaldeko 18:00etan.
Tailerren bidez “euskaraz irakurtzea atsegina eta interesgarria izatea” dute helburu, eta horretarako testu egokituak, dinamika parte hartzaileak eta “giro atsegina” eskainiko dituztela esan dute antolatzaileek.
Parte hartzeko ezinbestekoa da aurrez izena ematea liburutegian bertan, 688 865 398 telefono zenbakira deituta edo mintzalaguna@hondarribia.eus helbidera idatzita.
