Badatoz Amute-Kostako jaiak!
Urriaren 3tik 4ra bitartean izango dira auzoko jaiak, eta zenbait jarduera antolatu ditu auzo elkarteak.
Amute-Kostako jaiak Datorren asteburuan, urriaren 3tik 4ra, izango dira Amute-Kostako jaiak. Haurrak izango dira ostiraleko protagonistak, haientzako jokoak antolatu baititu auzo elkarteak: traka, txokolatada, mozorro lehiaketa, aurpegi margoketa, tatuaiak, tren txikia, aire jokoak, aulki jokoa, gazta lasterketa, futbol txapelketa… Auzoko txikienek ez dute aspertzeko tarterik izango.
Ondoren, eguna bukatzeko afari-merienda girotua antolatu dute. “Gaua magia, bakarrizketak eta inprobisazioa uztartzen dituen Paco G. handiaren ikuskizunarekin hasiko da”. Gainera, berrikuntza gisa, karaoke lehiaketa antolatu dute. Norberak eraman dezake afaria, bertara eramateko eskatu dezake edo bertako barran eros dezake.
Biharamunean, hilaren 4an, jaietako bazkaria izango dute, 14:00etan. Aisialdirako jarduera ugari izango dituzte bazkarian; hala nola, photocalla, sari banaketa, musika edo dantza. Gainera, postre lehiaketa ere antolatu dute, eta auzokideak parte hartzera deitu dituzte. Iluntzean, jaiak bukatzeko, urezko zezena aterako da, 21:30ean.
Jaietako egitaraua
Urriak 3, ostirala
- 17:00: Traka, jaien hasiera
- 17:05: Txokolatada
- 17:30: Mozorro lehiaketa, aurpegi margoketa, tatuaiak, tren txikia, margo tailerra, aire jokoak, puztukiak, aulki jokoa, gazta lasterketa, tiro nerf, zezentxoa, zientzia, sokatira eta hainbat lehiaketa.
- 17:30: 7 urtetik 12 urte artekoen futbol txapelketa. Izen emateak 17:15ean futbol zelaian.
- Afari-merienda.
Urriak 4, larunbata
- 14:00: Bazkaria 14:00etan. Helduentzako 12 euroan, haurrentzako 6 euroan. Izen emateak hilaren 29 eta 30ean, 18:00etatik 20:00etara auzo elkartean. 220 lagunentzako tokia.
- 21:30: Urezko zezena
