Irungo Adinekoen Astea aurkeztu dute
Urriaren 1etik urriaren 5era izango da Adinekoen Astea, eta gaur antolatutako ekintza guztien xehetasunak eman dituzte agerraldi batean.
Urriaren 1ean Adinekoen Nazioarteko Eguna da, eta hori aitzakia gisa hartuta, Irungo Adinekoen Astea antolatu dute Irungo Udalak eta hiriko zenbait adinekoen elkartek, elkarlanean.
Zabaltza plazan egin dute agerraldia, eta bertan, Cristina Laborda Irungo alkatea eta Josu Iguiñiz Irungo Udaleko Gizarte Ongizateko ordezkaria elkartu dira hiriko adinekoen elkarteetako ordezkariekin. Urriaren 1etik urriaren 5era izango da Adinekoen Astea, eta aurtengo edizioaren xehetasunak eman dituzte agerraldian.
Laborda: “Adineko pertsonek funtsezko zeregina dute gure hiriko egunerokotsunean: memoriaren, esperientziaren eta eskuzabaltasunaren adibiderik onena dira. Elkarte ezberdinek hartu duten konpromisoa eta parte hartzeak gogorararzten digu Irun belaunaldi guztietatik eraikitzen dela. Aste honek aukera ematen digu hori aitortzeko, balioesteko eta bere ekarpen iraunkorra eskertzeko “.
Iguiñiz ordezkariak hartu du hitza gero: “Irundarren %24k 65 urte baino gehiago dituzte, eta bizi kalitatea gero eta handiagoa da. Gainera, datozen hamarkadetan joera hori harago joango da. Ildo horretatik, Irungo Udaleko Gizarte Ongizate Arloak adinekoen bizi kalitatea hobetzen jarraitzeko proiektuen alde egiten du. Bestalde, aste honetan ere herritar askoren beharrak aldarrikatu behar ditugu, zerbitzu hobeen, ongizate fisiko eta mentala sustatzen duten programa gehiagoren eta haiekiko errespetu handiagoaren bidez”.
Antolatu dituzten jardueretarako ez da izenik eman behar ezta sarrerarik erosi behar ere, baina urriaren 1eko emanaldirako gonbidapenak turismo bulegoan banatuko dituzte gaur 15:30etik 19:00etara. Astelehenean, berriz, 15:30etik 19:00etara banatuko dituzte. Alabaina, Amaia KZren webgunean eta egunean bertan txarteldegian erosteko aukera egongo da, betiere sarrerarik geratzen bada.
Adinekoen astea: egitaraua
Urriak 1, asteazkena
- Antzerki jaialdia. Adinekoak gogoz. 17:30, Amaia KZ.
Urriak 2, osteguna
- Adinekoen asteko Tipi Tapa. Irungo Udala, Osasun saila, Osakidetza eta Nagusilan elkartea. 10:00, Luis Mariano zentro soziala.
- Adinekoak bakearen alde. Nagusilan eta Gure Altxor. 17:00, Iraso zentro sozialaren kanpoaldea.
- Txokolate edana eta dantzaldia. Soroxarta elkartea. 17:00, Belaskoenea.
Urriak 3, ostirala
- Hitzaldia, Rebeca Garciaren eskutik. Gure baitako emozioak: bizitzako garai bakoitzari zentzua ematea. 18:00, Palmera Montero.
- Ibilaldi neurtua. Zelaiburu elkartea. 16:00, Kateko auzo elkartearen egoitza.
Urriak 4, larunbata
- Sentsibilizazio jarduera: Jarri nire azalean. Irungo Udala eta Adinkide elkartea. 11:00, Zabaltza plaza.
- Antzerki jaialdia: Adinekoak gogoz. Irungo Udala. 17:00, Lekaeneko espazio soziala.
Urriak 5, igandea
- Dantzaldia kioskoan, Orquesta Tsunami taldeak girotuta. Irungo Udala. 18:00, Zabaltza plaza.
- Nagusikleta. Irungo Udala, Nagusilan eta Balazta. 18:00, Zabaltza plaza eta Colon.
- 90 urtetik gorakoen omenaldia. Zelaiburu elkartea. 18:00, Kateko auzo elkartearen egoitza.
