Erresidentzia eta eguneko zentroetako langileak kalera atera dira
Sektoreko langileek pairatzen duten soldata arrakala eta partzialtasuna salatzeko eta hitzarmenaren negoziazioaren bidez konponbidea jartzeko egin dute greba.
Gipuzkoako erresidentzia eta eguneko zentroetako langileek hiru eguneko greba abiatu zuten atzo; bihar (ostirala) amaituko da, eta aste honetako hiru egun horiekin bederatzi izango dira sektorearen hitzarmenaren negoziazioan dagoen blokeoa salatzeko egingo dituzten greba egunak.
Gaurko elkarretaratzean Gipuzkoako Foru Aldundiaren eta erresidentziak zein eguneko zentroak kudeatzen dituzten enpresei interpelazioa egiteko eskatu diete, eta sektore horretako langileek pairatzen duten soldata arrakala eta partzialtasuna salatzeko eta hitzarmenaren negoziazioaren bidez konponbidea jartzeko exijitzeko atera dira kaleetara.
“ELAk aztertutako datuek agerian utzi dute egun sektorean langile gehien biltzen dituen erizain laguntzaileen kasuan, %25eko soldata arrakala dagoela lan berdina egiten duten erizain laguntzaile publiko edo azpikontratatuen artea, hau da, urtean 1o.000 euro baino gehiagoa. Arrakala hori are hangiadoa da langileen ia erdien kasuan, kontratu partziala izateagatik diferentzia nabarmenagoa baita. Ondorioz, arrakala bikoitza jasaten dute. Horregatik, enpresei eta Aldundiari eskatzen diegu arrakala horiekin amai dezatela”, azaldu dute.
Horretarako, gakoa kontratazioa aldatzea dela diote, soldata arrakalaren aldagai nagusiak partzialtasuna eta azpikontratazioa direla iritzi baitute. “Gogora dezagun 5.000 bat langile biltzen dituen sektoren honetan partzialtasuna %45ekoa dela eta azpikontratazioa %93koa. Kontuan izanda langile ghienak emakumeak direla, genero arrakalan txapeldun da sektorea, langileen ia erdiak borondatezkoak ez diren kontratu partzialak izaki”.
Azkenik, nabarmendu dute sindikatuak auzi horiek “behin eta berriz” mahai gainean jarri baditu ere, Aldundiak eta enpresek ez dutela urratsi eman konponketarako.
Ondoko irudiak gaur goizekoak dira.
