Gipuzkoa Plaza kiroltasunaren eta jai giroaren erdigune izan da
Hondarribiko Jai Nagusietako VIII. Xake Jaialdian Jesus Mari Jauregui Echeveste omendu zuten. Miren Olaizola eta Ione Jauregui Olaizola alabak jaso zuten esker ona.
Gipuzkoa Plaza kiroltasunaren, jai giroaren eta alaitasunaren erdigune bilakatu zen iragan larunbatean. Hondarribiko Jai Nagusietako VIII. Xake Jaialdia antolatu zuten zortzigarrenez. Bertan, 16 urte azpiko gaztetxoek zein absolutu mailako xakelariek parte hartu zuten.
Txapelketa Marlaxka Xake Klubak Hondarribiko udalaren, Gipuzkoako Xake Federazioaren eta Eroski Center Hondarribiaren laguntzaz antolatutzen du.
16 urte azpiko kategorian Hondarribiko, Irungo, Hendaiako eta Lesakako haurrez gain, Gipuzkoako, Bizkaiko, Arabako eta Nafarroako herrietatik etorritako 48 xakelarik parte hartu zuten, eta absolutu mailan 34 jokalarik eman zuten izena. Txapelketa 6 txandetako Suitzar sistemako 10 minutu finish partida azkarretara jokatu zen, eta lehiaz gain, 30 lagun baino gehiagok Xakezaleen Kanttuan parte hartu zuten.
Lehia bukatu zenean sariak banatzeari ekin zioten. Ortzi Alonso zinegotziak, Mariaje Berrotaranek eta Maricarmen Elizazuk zuzendaritzako kideek eta Goio Uriarte txapelketako zuzendariak banatu zituzten.
Egun hura, gainera, Marlaxka elkartea osatzen duten kideentzat garrantzitsua izan zela adierazi dute; izan ere, elkartekide eta ohorezko lehendakari izandako Jesus Mari Jauregui Echevesteri omenaldia egin zioten. Miren Olaizolak eta Ione Jauregui Olaizola alabak klubaren esker beroenak eta lore sorta eder bat jaso zuten.
Hona hemen emaitzak:
