Mugikortasun Jasangarriko sailburuak Adifen Irungo geltoki berria bisitatu du
Susana Garcia Mugikortasun Jasangarriko sailburuak geltoki berria bisitatu du, eta lanak "erritmo onean aurrera" doazela zehaztu du.
Susana Garcia Chueca Mugikortasun Jasangarriaren sailburuak Adifen Irungo geltoki berria bisitatu du, eta zehaztu duenez “erakundeen arteko lankidetzaren adibide garbia da trenbide arloan eta trenaren bidezko hiri berroneratzearen arloan”. Gaineratu dutenez, geltoki horretan 75 milioi euroko inbertsioa egin dute.
Sailburua Cristina Laborda Irungo alkatearekin, Jose Antonio Santano Garraio eta Mugikortasun Jasangarriko estatu idazkariarekin, Azahara Dominguez Mugikortasuneko, Turismoko eta Lurralde Antolaketako foru diputatuarekin, Pedro Marco Adifeko presidentearekin, eta Miguel Angel Paez Azpiegituren eta Mugikortasun Jasangarriaren sailburuarekin gauzatu du bisita.
Garciak, era berean, jakinarazi du Eusko Jaurlaritzak geltokia hiriaren gainekoarekin eta Euskotrenen geltoki berriarekin lotuko duen pasabidearen fiantzaketaren %22ko ekarpena egingo duela. Gainera, azpimarratu dute Mugikortasun Jasangarriaren Saila aurrera doala Irun Kolon geltokia berreraikitzeari, Belaskoeneko geltokia eraberritzeari eta maiztasunak hobetzeko trenbide trazadura bitan banatzeari buruzko informazio azterketa idazteko zereginean. Zehaztu dutenez, Eusko Jaurlaritzako Mugikortasun Jasangarriaren Sailak protokolo bat sinatu zuen Gobernu zentralarekin eta Irungo Udalarekin, ETS trenbideak Adifen trenbide sarean txertatzeko.
Bisita horretan Mugikortasun Jasangarriaren sailburuak zehaztu du “lanak bide onetik” doazela.
