Zabaldu dute Irungo haur txokoetan behin-behinean izena emateko epea
Erdialdeko haur txokoa, Txikilab Palmera-Montero, Lapitzeko haur txokoa, Kateko haur txokoa eta Etxaldea haur txokoetan eman daiteke izena.
GazteARTE Irungo Udaleko Gazteria Zerbitzuak jakinarazi duenez, gaur zabaldu dute 2025-26 ikasturtean hiriko haur txokoetan behin-behinean izena emateko epea.
Sandra Caballero Hezkuntza eta Gazteriako ordezkariak hartu du hitza, eta, noski, haur txokoak izan ditu hizpide. “Haurrei arte eta kultura diziplina desberdinak probatzeko eta esperimentatzeko aukera ematen dien zerbitzua da hau, baita gizarte trebetasunak garatzeko ere. Gozatzeko eta ondo pasatzeko espazio bat, segurua, atsegina eta babeslea izateaz gain. Hurbileko zerbitzua ere bada, txikiei komunitateko eragile hurbilenak ezagutzeko aukera ematen diena”.
Irungo haurr txokoen sarea bost ikastegik osatzen dute: Erdialdeko haur txokoa, Txikilab Palmera-Montero, Lapitzeko haur txokoa, Kateko haur txokoa eta Etxaldea haur txokoa.
Hona hemen haur txoko bakoitzaren informazio zehatza (hiru toki behar bereziak dituzten haurrentzat izango dira):
- Erdialdeko haur txokkoa (Gipuzkoa hiribidea, 8): 24 toki txanda bakoitzean.
- Txikilab Palmera-montero (Jose Antoio Loidi Bizakrrondo, 12): 24 toki txanda bakoitzean.
- Lapitzeko haur txokoa (Deskarga 17): 24 toki txanda bakoitzean.
- Kateko haur txokoa (Araba 46): 24 toki txanda bakoitzean.
- Etxaldea haur txokoa (Lesaka 2): 15 toki txanda bakoitzean. Azpimarratu dute 2025a amaitu aurretik haur txokoa Emigrazioko eraikineko ekipamendu berrira lekualdatuko dutela.
4 eta 8 urte artekoen txandak astelehen eta asteazkenetan zein astearte eta ostegunetan izango dira; 9 eta 11 urte artekoen txanda, haatik, ostiraletan izango da.
Aurten, Irungo Udalak erabiltzaileen ahalmen ekonomikoan oinarritutako ordainketa sistema ezarri du, erabiltzaileen diru sarreren eta ondarearen araberako tarifak alegia. Sistema horrek tarifa osoaren %75, %35 eta %5eko tarifak planteatzeen ditu, eta beherapen horiek aplikatzeko eskaera bat tramitatu behar da, hori egin ezean tarifa osoa aplikatuko baitzaie erabiltzaileei.
Horrela banatu dituzte tarifak:
- Astean bi eguneko tarifa (astelehena eta asteazkena; astearte eta osteguna 4 eta 8 urte arteko haurrentzat):
- 1. tartea (15.120 eurotik beherako errenta): tarifaren %5 (5,25 euro).
- 2. tartea (23.188 eurotik beherako errenta): tarifaren %35 (36,75 euro).
- 3. tartea (29.096 eurotik beherako errenta): tarifaren %75 (78,75 euro).
- 4. tartea (29.096 eurotik gorako errenta): tarifaren %10 (105 euro).
- Astean egun bateko tarifa (ostirala 9 eta 11 urteko haurrentzat):
- 1. tartea (15.120 eurotik beherako errenta): tarifaren %5 (2,63 euro).
- 2. tartea (23.188 eurotik beherako errenta): tarifaren %35 (18,38 euro).
- 3. tartea (29.096 eurotik beherako errenta): tarifaren %75 (39,38 euro).
- 4. tartea (29.096 eurotik gorako errenta): tarifaren %10 (52,50 euro).
Haurrak Irungo haur txokoetan inskribatu nahi dituzten familiek Herritarrentzako Arreta Zerbitzuaren bidez egin beharko dute kudeaketa irailaren 2tik 9ra bitartean. Horretarako zenbait bide daude: San Martzial kaleko 2. zenbakira joatea, udalaren egoitza elektronikoaren bidez egitea edota autozerbitzu terminalen bidez egitea.
Behin-behineko zerrendak hilaren 13tik 16ra artean argitaratuko dituzte udalaren webgunean. Eskaria eskaintza baino handiagoa izanez gero zozketa bat egingo dute hilaren 19an, eta emaitzak hilaren 23an argitaratuko dituzte. Ordainketa eta behin betiko izen emate hilaren 24tik 30era izango da udalaren egoitza elektronikoaren bidez, eta, erreserbak urriaren 1etik aurrera kudeatuko dituzte.
Haur txokoetako zerbitzuari urriaren 6an emango diote hasiera. Informazio gehiagorako, egin klik hemen.
Ate irekiak
Hiriko bost haur txokoak ezagutzeko lau jardunaldi antoaltu dituzte, eta horietara ezen pertsona edo familia bertaratu daiteke. Honako egun eta orduetan izango dira ate irekiak:
- Hilak 3 eta 4: asteazkena eta osteguna, 10:00-12:00.
- Hilak 5. eta 9: ostirala eta astelehena, 16:00-18:00
