Lapurriturri inguruko zuhaitzak ezagutzeko, oinezko ibilbidea
Irailaren 13an 'Zuhaitza, gure laguna' jarduera egingo dute. 8 eta 12 urte arteko haurrak dituzten familiei zuzenduta dago.
Aiako Harrian Zuhaitza, gure laguna jarduera egingo dute datorren irailaren 13an (larunbata da). Zortzi eta hamabi urte arteko haurrak dituzten familiei zuzendutako jarduera da, eta egitasmoan Lapurriturri inguruan aurki daitezkeen zuhaitzak ezagutuko dituzte bertaratzen direnek oinezko ibilbide bat egin bitartean.
Bidean aurkitzen dituzten zuhaitzak identifikatzeko jarraibideak emango zaizkie jardueran parte hartzen dutenei; hala nola, enborrak ematen duen informazioa, sendabelarrak…
Ibilbidea 11:00etan hasiko da Lapurriturriko informazio puntutik. Jardueran izena ematea ezinbestekoa da, baina horretarako epea amaituta badago ere, 010 zenbakia luzatu dute zalantzak argitzeko.
Horretaz gain, jakinarazi dute Lapurriturriko informazio puntua asteburu, jaiegun eta zubi guztietan irekiko dutela urriaren 31 bitartean, 9:30etik 13:30era.
